BB的整容前後

正所謂女大十八變, 貓都會貓大十八變, 如何評價貓貓的價值, 其中一個方法就是看他是否有捲耳的特徵, 當然BB小時候係超級大耳仔..........但若有一天BB變成捲耳貓, 將會是咁樣!!!都係自然啲好!!

愛的表達

每一個人對愛的表達都不同, 我們很多時候都拘泥於別人的眼光, 害怕直接表達對別人的愛, 怕被旁人的眼光取笑, 怕被人拒絕,...怕....怕....
所以我很佩服我家的小霸王, BB, 他來到我家的時候, 我家高貴的女女當然對他極度反感, 討厭, 憎恨.....但呢隻小霸王, 不但無放棄對女女表達, 還每時每刻纏著女女, 最終...經過多番打鬥, 多番糾纏後....現在不知多好, 連我自認是女女最愛的人, 每當見到女女跟bb纏綿在一起時, 總有點酸溜溜的感覺呢!!

BB的女友(本人幻想中)

幾乎所有見過bb的朋友, 都愛上bb, 老實說, bb似狗多過貓, 他愛親近人, 無論男女, 無論陌生或熟悉,
這張相的靚貓貓, 自己幻想她若有機會跟bb相識, 他們定必相愛...............

開始(幾米)

apple daily, 幾米(2006年1月17日)

我 是 小 妞 妞 。
我 必 須 開 始 好 好 規 劃 我 的 財 務 ， 以 後 千 萬 不 要 變 成 卡 奴 。
我 必 須 開 始 保 養 我 的 肌 膚 和 身 材 ， 以 後 千 萬 不 要 花 很 多 錢 去 拉 皮 和 瘦 身 。
我 必 須 開 始 儲 存 很 多 快 樂 的 回 憶 ， 以 後 千 萬 不 要 去 看 心 理 醫 生 。
我 必 須 開 始 … …

被抄倒數第二天

我啱啱通知佐啲朋友我呢個網上日記, 唔知佢地會唔會抽少少時間看一下呢............
昨晚有幾場超正的球賽要看, 點知.......可能係我較錯鐘, 無起身看; 一起身時, 發覺天都光哂囉....噢!!!無波看兼要一早看黑臉囉 :(, 希望今晚看到啦, 如果唔係....又要看黑臉囉!!!!

你看, 你看, 亨利真係要感謝上天, 係佢地狀沉時, 都嬴到羅馬, 今次佢地叫做爭番啖氣, 叻過利物浦!!

其實每日番到呢間公司, 真係好沒趣, 老細昨日都見我'hea'佐咁耐, 提議我地做一啲新的實驗, 呢個實驗就偉大囉, 話説由呢間公司開始到依家, 都係用緊一個方法做Quality control, 但係呢個方法偏差較大, 穩定性唔高, 我老細就好自豪咁講, 話已經諗佐個方法解決呢個問題, 叫我地依住他的想法去做囉.....嘩!!幾咁威水.....好厲害......但係因為拍擋要做其他野, 無時間喎, 所以會遲啲先做呢個偉大工程

被抄倒數第一天

點解我會用這個標題?因為的確我好快會被人抄囉, 基本上已經係無人再理我地, 再加上今日連我對上的老細都講, 完全收唔到上頭任何指示, 佢都會係今年四月工作visa到期, 到時佢都好大可能無得續期, 佢唔係度....老實講, 我都係涷過水囉

BB的出現

當女女兩歲的時候, .眼見佢身型日漸肥大, 同埋見佢好像好悶, 所以我決定同佢揾個伴....... 係機緣巧合之下, 認識到一對年青人

呢對年輕人, 係居住的屋苑每天都餵一隻貓, 點知呢隻貓要給漁農處捉走, 佢地知道如果呢隻貓要給人捉走, 最後的結果只係.....人道毁滅...佢地係一片愛心之下, 將呢隻貓貓攞番屋企, 初初養呢隻貓時, 估計佢可能因為比較肥啦, 所以有個肚腩仔.....但係....唔知點解呢個肚腩越來越大, 佢地發現呢隻貓貓係有佐bb...如下刪略一千字, 貓媽媽終於生佐五隻可愛的貓貓啦(兩女三男), 其中一隻仔當然係我隻可愛的bb,bb三兄弟都係黃色貓貓, 超級活躍型...

BB的出生日子係2004年8月8日, 獅子座的貓貓, 性格超級霸皇, 樣樣要以佢為中心,現附上bb小時候的ET相, 因為佢個臉比較小, 但係對ear勁大, 又長, 好似ET咁囉!!

女女的出現

我跟女女的第一次見面, 時間係2002年12月中, 我有次坐巴士經過西環動物診所(近西環警署)時, 發現係診所內, 近落地玻璃位, 放佐一個大籠, 唔知點解突然眼力超好, 發現有貓貓收養, 所以咪即刻落車看過究竟啦.......真係給我一個大近視人望到, 真係有小貓貓收養...呢籠小貓貓都係診所內一個靚靚的外籍女獸醫係街執佐佢地, 然後和診所的員工一起養大, 再等待好心人收養佢地....一個大大的籠內, 當時只剩下女女和另一隻黑色的貓女(因為其他外表比較好, 都已經給其他好心人收養啦)....我呢個人, 比較對特別的東西有愛好, 所以一手先抱起黑色的貓女, 點知呢隻衰野, 竟然掙扎走開, 我咪再試下抱女女, 點知..........一抱呢個女女就出事啦, 佢好緊張咁, 因為佢體型係超細, 所以我要好小心咁抱住佢, 佢用四肢抓住我個心口, 係呢一刻...感到我女女好緊張的心跳....bu bu bu bu....同樣係呢一刻我的心都跳得好厲害, 因為我已愛上佢啦.......
係當時我咪拿拿臨係附近的寵物店, 立即購買貓貓的日常用品, 仲係即刻攞埋女女走, 我仲記得女女係有少少掙扎, 但係都係好輕微, 乖乖咁入佐個袋內....跟住我啦!!!!!哈哈!!!!!!!

女人和貓 (作者: 高慧然)

今日看完一篇文章, 關於女人和貓 (作者: 高慧然) (蘋果日報 2006年1月19日)

貓的描述:
貓不追求熱烈的情感, 也不害怕寂寞, 無論多麼熱愛主人, 牠仍然享受獨處的時光,甚至刻意避開人類及同伴整理自己的儀容, 或在陽光下追逐自己的影子。任何人, 任何事, 都不能動搖貓對自己的癡迷。

愛貓女人的描述
養貓的女人, 通常是沉靜的, 很多時候, 女人和貓, 各自佔據屋子的一隅, 靜靜對峙。貓冷冷眼中, 流露出一絲戒意。即使把貓攬在懷, 溫香軟玉, 女人還是明白, 牠的心, 似近還遠牠眼中射冷冷的光, 狐光媚影, 牠的世界, 她一直走不進去, 因為牠從來不打算敞開。抱一隻貓, 跟抱一隻狗的感是不一樣的, 你會產生無從力的挫敗感。你得到了尊重的距離, 但是要付出寂寞的代價。貓是淪落俗塵的精靈, 不幸成為商品, 我們終於買到牠的身體, 但從來不能得到牠的心。

我的確是愛貓, 是家中寶貝的貓奴, 我每天回家都渴望跟他們來一個深情的擁抱, 很多時候都只有數秒, 若然當刻的擁抱能維持多一丁點, 我已經開心都差點暈低啦!!

新開張

今日係我的大日子, 我會係呢度和大家分享我的鎖事, 當然包括我一對可愛的怪獸貓貓啦!!

情人節

說實話, 這是我第一次情人節收花, 又是所謂的知識累人, 我竟說"""你的花曾放進雪櫃內,你看,花瓣己開始謝啦!""
唉!!多掃興....:p